Transcription
1
Monsieur, jestoys deià en ceste ville du Montellimart pour vous
2
aller baiser les mains, et ayant parlé à monsieur
3
d’Ourche, il ma commandé men retorner à Taulignan
4
pour men prendre guarde, comme jey faict pour le passé
5
et comme jespère que ferey et le randrey à lobeissance
6
du roy et de vous, ou je perdrey la vye.
7
Monsieur d’Ourche croys quil vous advertira du tout
8
ce que pour quoy jestoys venu, cest que ceulx de
9
la nouvelle oppinion et catholiques se sont bandés
10
contre moy et ne veullent obeir, et masseurant
11
que mondit sieur d’Ourche vous escripra au long,
12
ce que je luy en dict, ne vous ferey plus long
13
discours, vous presentant, sil vous plaict, mes
14
très humbles recommandations à votre bonne grace,
15
priant Dieu,
16
monsieur, vous tenyr en sa saincte guarde. Du
17
Mon[telim]ar, ce penultieme janvyer 1574
18
Votre très humble et pour jamès obeissant
19
serviteur
20
Le pegue
21